|
我個(gè)上海 來自渺如胭 00:00 07:44 滬語朗讀：蘇凱音 我個(gè)上海（上） 來源：網(wǎng)絡(luò) 改編：丁迪蒙 朗讀：蘇凱音 用幾千個(gè)字寫座城市是樁勿明智個(gè)事體，何況搿座城市叫上海。上海忒大了，大到所有個(gè)結(jié)論儕勿成定論，所有個(gè)意見儕成了偏見。但是也沒關(guān)系，一千個(gè)人眼里向就有一千個(gè)哈姆雷特，我講個(gè)只是我個(gè)上海。 對(duì)上海個(gè)記憶要從弄堂開始。 弄堂有交關(guān)名堂。斯文里、大慶里伊能個(gè)叫石庫門，九江里、八埭頭伊能個(gè)叫廣式里弄，靜安別墅、霞飛坊是新式里弄，上方花園、凡爾登花園則屬于花園式里弄…… 無論是石庫門還是洋房，開頭辰光儕是（蠻）氣派個(gè)，人與人之間保持勒蠻體面?zhèn)€距離。后來軋進(jìn)了忒多人家，葛就從大戶個(gè)獨(dú)門獨(dú)院，變成了市井“七十二家房客”，生存環(huán)境逐漸逼仄（了）。上海人就被迫練出了螺螄殼里做道場(chǎng)個(gè)功夫。 灶披間搭衛(wèi)生間儕是四五家人家公用個(gè)，居民要爭馬桶，爭水龍頭，爭樓梯轉(zhuǎn)角里向個(gè)半尺空地，長年累月吵鬧勿休。啥人家晾衣服多占地方了，啥人家汏菜多用水了，大家儕看辣眼睛里向；阿里個(gè)皮小囡撥打了，阿里一對(duì)夫妻勒床浪向聲音大，儕是公開個(gè)秘密。家庭婦女碰勿碰就罵山門，一罵呢，就拿自家屋里個(gè)家底露出來了……。山東人潑辣，蘇北人野蠻，蘇州人促狹，寧波人刻薄，各有各個(gè)招數(shù)，各領(lǐng)各個(gè)風(fēng)騷。也難怪伊拉，往上頭數(shù)三代，其實(shí)儕是外地來個(gè)人。 落雨了，吵得最兇個(gè)鄰居會(huì)得幫忙拿衣裳收進(jìn)來。啥人家屋里做了好個(gè)菜，一定會(huì)得送撥鄰舍隔壁，來來來，盛一碗撥小囡吃。東家個(gè)寧波湯圓，西家個(gè)梅干菜燒肉，亭子間里個(gè)咸鴨蛋，后廂房個(gè)赤豆粽子，我是吃百家飯長大個(gè)。 1997年梅隴鎮(zhèn)廣場(chǎng)第一個(gè)夏天，附近弄堂里個(gè)居民跑過來吹免費(fèi)空調(diào)。外婆討厭爭搶馬桶個(gè)日腳，常莊搭我講：“明明啊，跟外婆到梅隴鎮(zhèn)去上廁所好伐？”四年以后，中興泰富廣場(chǎng)搭仔恒隆廣場(chǎng)儕造好了，外婆就有眼看勿上梅隴鎮(zhèn)：“到底是恒隆個(gè)廁所嗲呀，邪氣清爽，還有音樂聽聽?！眴栴}是，用外婆走路個(gè)速度，步行到恒隆至少要十分鐘。所以伊要有提前量，稍有感覺，就要出發(fā)。屋里向人笑話伊，伊一撇嘴：“有啥好笑頭啦？搭我一樣個(gè)老頭、老太勿要忒多咾。”安樂坊有個(gè)老頭子，每日天帶只茶杯、帶張報(bào)紙，適適意意坐辣廁所外間個(gè)沙發(fā)浪，一坐就是一個(gè)下半天。 講上海人精明但是勿聰明，還是有點(diǎn)道理個(gè)。上海人勒勒“佮算，勿葛算”當(dāng)中，拿自家畢生個(gè)聰明才智用光了。 上海人最放勿下個(gè)，是搿個(gè)人間個(gè)煙火。 老清老早，菜場(chǎng)里就邪氣鬧猛了，早鍛練回轉(zhuǎn)來個(gè)老伯伯，胖乎乎個(gè)腳搭仔露勒半胸口個(gè)少婦，著仔睏衣“頭勢(shì)”還邪氣清爽個(gè)爺叔，一個(gè)一個(gè)走過來，軋來軋去看，貨比三家，討價(jià)還價(jià)以后，各自拿好戰(zhàn)利品回去了，面孔浪向有少許歡喜。 大姆媽拎勒熱氣騰騰個(gè)豆?jié){、粢飯，搭鄰舍隔壁大聲抱怨：“喏，搭囡兒帶個(gè)呀。一把年紀(jì)嫁勿出去，書讀到研究生有啥用噢，還要我搭伊買早飯。” 白發(fā)蒼蒼個(gè)阿婆挑了交關(guān)辰光，拿了一顆最最小個(gè)花菜問攤主，“好切一半勿啦？我就一家頭吃呀?！?/span> 夜市呢，就要冷清交關(guān)了，攤主已經(jīng)忙仔一天了，現(xiàn)在儕懶洋洋坐勒，像只撥解了凍個(gè)蹄髈。落班個(gè)爺叔熟門熟路尋攤頭，車把浪向掛條兩條帶魚回去燒。 一面孔疲倦個(gè)小白領(lǐng)呢，對(duì)牢仔一堆陌生個(gè)蔬菜，勿曉得哪能辦法？其實(shí)啦，自家能夠買菜來燒個(gè)小白領(lǐng)還算是蠻幸福個(gè)。搿座城市里向有交關(guān)年輕個(gè)打拼者，大多數(shù)人只好用便利店個(gè)飯團(tuán)、面包、微波爐飯來填飽自家個(gè)肚皮?；斓煤脗€(gè)呢，可以去吃伊眼貴得要死個(gè)“商務(wù)套餐”。 本公眾號(hào)最近發(fā)布的原創(chuàng)： 圖片來自渺渺 |
|
|
