|
作詞：江姐：彭祖達 原唱：鄒惠姍 客家山歌美名揚， 五尺六尺丈一長， 妹約阿哥來對駁， 有心阿哥應一腔， 飯湯洗衫慢慢漿。 飯湯洗衫慢慢漿， 涯就同妹對歌腔， 胡弦斷線慢慢駁， 駁到日頭下山崗， 駁出金雞對鳳凰。 駁出金雞對鳳凰， 問哥山歌有幾筐， 問哥唱腔有幾種， 山歌能否漂大江， 能否唱出妹心腸。 能否唱出妹心腸， 刀破柜頭講分箱， 脈介腔板涯曉唱， 月頭唱到圓月光， 年頭一唱到重陽。 年頭一唱到重陽， 涯話阿哥莫逞強， 聽講山歌正學唱， 有冇好詞來幫腔， 肚中墨水有幾缸。 問哥墨水有幾缸， 阿哥唔敢逞高強， 自古山歌從口出， 手指有短也有長， 水平高低系智商。 水平高低系智商， 阿哥言語甜過糖， 阿哥系只山歌種， 哥對山歌系擅長， 或許適合當夫郎。 儀話適合當夫郎， 阿哥聽到細思量， 若系二人成雙對， 夫唱婦隨建家堂， 山歌遺傳山歌秧。 山歌遺傳山歌秧， 一代更比一代強， 一代更比一代好， 客家文化人向往， 微信群里齊弘揚。 微信群里齊弘揚， 泉水細細流入江， 泉水清清照人影， 泉水止渴透心涼， 阿妹真系好姑娘。 阿妹真系好姑娘， 低河食水念高崗， 涯看阿哥人實在， 擇日不如撞時光， 二人回家拜高堂。 二人回家拜高堂， 聽妹言語系相當， 既然阿妹恁痛快， 山歌牽線做紅娘， 同建家業(yè)創(chuàng)輝煌。
|
|
|
