文/曹振華

　　【新民晚報·推薦】記得上世紀六十年代初，我還辣海讀初中辰光，阿拉爺每天下班回到屋里向，第一樁事體就是先坐下來看伊剛剛買轉來個《新民晚報》。有辰光也要讀兩段撥我聽聽，還要叫我一道看看，慢慢交我也受影響歡喜夜報了。再有就是夜報主編趙超構先生就住辣阿拉后門個瑞康里，覺著邪氣親熱。

　　一日，爹爹搭我講，要我放學后去屋里對過溧陽路浙興菜場邊浪向買夜報，搿天一放學后就直奔小菜場。想勿到埃個買報地方早已有十幾個人辣辣排隊了，我也就老老實實排辣人家后頭。突然，有人叫了起來：“來了，來了！張阿姨來了！”我抬頭一望，搿個張阿姨踏了部腳踏車，車子后頭綁了一大袋報紙。大家豪燥排好隊，還有人辣隊伍邊浪做“糾察”，不讓人“插檔”?？偹阗I到報紙，我開心奔回去，見阿拉爺老早回來坐辣竹椅上了。今朝哪能介早回來了？原來阿拉爺是運輸車浪裝卸工，勿當心腳壓傷了，醫(yī)生開了病假。乃末好了，爹爹正式關照我，以后買晚報就是我個事體了。當年報紙數(shù)量有限，葛咾要排隊買夜報。排隊等報紙辰光，每日碰到個報迷也熟悉起來了，大家講講談談，倒也蠻熱絡，勿覺得厭氣。有一日，大家正排隊等報紙，“夜報買好啦！”幾日嘸沒露面?zhèn)€阿林拿了當日夜報開心個搭排隊個人打招呼。伊講尋到一個好地方，既能保證買到，又比搿搭賣得早。大家問伊啥地方，伊擺奎勁勿肯講。勿過阿林跑過來悄悄告訴我，伊是辣辣四川北路橋下頭報刊門市部后門買個，還要我保密。第二日，我勿去浙興菜場，就直奔報刊門市部后門。我跑過去一看，已有幾十個人排著老長個隊伍，前頭臺子浪堆辣一大堆夜報，買報速度也快，一歇歇就輪到我了。雖然多走了點路，但報紙總歸好買著。爹爹每日看到晚報，邪氣高興，又覺著奇怪。就問我，你哪能日日買著個？我拿調轉方向去四川路橋買報紙事體講了。爹爹聽了后哈哈大笑，“儂迭個小鬼頭悶聲勿響，倒也蠻活絡個嘛！”受到表揚后，我更加起勁了。有趟學校下半日開大會，我生怕夜報買勿著，就溜了出去，到“老地方”買報紙?；氐轿堇?，班主任朱老師已坐辣屋里搭阿拉爺“告狀”了。爹爹講，我情愿今朝勿看晚報，也勿要儂小鬼勿到學堂里去開會。爹爹請我吃排頭蠻結棍個。以后碰到學校有活動或開會，我就勿去買報了，問隔壁李家伯伯借來撥爺看。

　　小辰光買夜報個事體，現(xiàn)在回想起來，倒蠻有勁個，迭個當中讓我懂得了勿少道理辣海。